Sbonar eyy..den ni selalu melawat blog kengkawan lain...pado den, canggih dan cantik dan happening. Den ni budak baru belajar..HTML tu pun den tak tahu apo ko bondo eyy..walhal suami den, memang ni bidang dio..dio jugak yg suruh den ni buek blog..daripado tak ghoti..jadi ghoti sikit-sikit...Bilo den tengok oghang lain punyo cantik dan lawa..den tanyolah suami, camno nak buek yang mcm oghang lain tu..suami jawab, belajarlah HTML dulu..apo bondo eyy tu?? nak suruh dio ajar??? kono wat appointment dulu..tapi den tahu, sampai ke sudah takkan dapek doo nak mintak dio ajar..sibukkkkkk memanjang...dio pun sompek posan..belajarlah HTML tu kek google.com...bertuah suami den...
Den ni lak teringin bonar nak masukkan links blog kengkawan lain dulu..punyolah tinjau kat blogger help tu..baco satu per satu..tapi ada yoo halangan eyy den nak cubo buek sampailah tongah malam ni. Copy n paste mano yang patut. Den mulokan ngan blog Ibu Vogue dan Hot Mama..maso save dan republish tu..punyolah dobar menunggu hasil eyy. Ontah apo2kan. Akhirnya, yahoo..alhamdulillah, berjayo den dalam kobah tak kobah domam ni. Lopeh ni buleh masukkan blog oghang lain lak...
2 comments:
haa hasilnya ok. Tapi apa lak tulisan TEXT kat sbelah Hot MAma Link tuu? heheheh
hehe..ni ada problem kat html tu lah..nanti nak baiki, tak sompek sompek yoo layy...
Post a Comment